Шаҳар кўчаларига 12 та замонавий автобус қўшилди

Postni ulashish:

Наманган   шаҳрида   жамоат   транспортини   модернизация   қилишга   қаратилган   ишлар   изчил   давом   этмоқда.   Бу   борадаги   навбатдаги   амалий   қадам   сифатида   шаҳар   йўналишларига   Хитойнинг   ANKAI   компаниясида   ишлаб   чиқарилган   12   та   замонавий   автобус   олиб   келинди. Лойиҳа   “Малакали   автотранс   сервис”   масъулияти   чекланган   жамияти   томонидан   амалга   оширилмоқда.   Корхона   ҳамда   ANKAI   компанияси   ўртасида   умумий   қиймати   1   миллион   875   минг   АҚШ   доллари   бўлган   шартнома   имзоланган.   Унга   мувофиқ,   харид   қилинаётган   автобуслар   учун   дастлабки   9   миллиард   сўм   миқдоридаги   тўлов   амалга   оширилди   ва   транспорт   воситалари   Наманган   шаҳрига   етказилди.   Йил   якунига   қадар   яна   18   та   автобус   келтирилиши   режалаштирилган.

Янги   автобуслар   12-сонли   “Хонобод   –   Шербулоқ”   йўналишида   қатновни   таъминлайди.   Бу   эса   мазкур   йўналишнинг   ташиш   қувватини   янада   ошириб,   бир   кунда   7   минг   100   нафарга   яқин   йўловчига   сифатли   транспорт   хизмати   кўрсатиш   имконини   беради.

Автобусларни   фойдаланишга   топшириш   маросимида   Наманган   вилояти   ҳокими   Шавкатжон   Абдураззоқов   иштирок   этди.   Ҳайдовчиларга янги транспорт   воситалари   тантанали   равишда   топширилди.   Илк   қатновда   вилоят   раҳбари,   нуронийлар   ҳамда   кенг   жамоатчилик   вакиллари   иштирок   этиб,   автобусларнинг   қулайликлари   билан   танишдилар.

Жамоат   транспорти   паркини   босқичма-босқич   янгилаш   орқали   шаҳар   аҳолиси   учун   янада   қулай   ва   хавфсиз   транспорт   муҳитини   шакллантириш,   қатновлар   барқарорлигини   таъминлаш   ҳамда   йўловчи   ташиш   тизими   самарадорлигини   оширишга   қаратилган   ишлар   изчил   давом   эттирилмоқда.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...