Namangan shahar kasbga o‘rgatish monomarkazida yoshlar bandligi va tadbirkorligini rivojlantirishga bag‘ishlangan seminar bo‘lib o‘tdi. Unda Namangan shahar hokimi Anvarjon Otaxodjayev, sektor rahbarlari, “Aloqa bank” vakillari hamda yoshlar yetakchilari ishtirok etdi.


Seminarda Prezidentimizning yoshlarni ish bilan ta’minlash va tadbirkorlikni rivojlantirishga qaratilgan qarorlari ijrosi muhokama qilindi. Xususan, PQ-61, PQ-62 va PQ-60-son qarorlari doirasida yoshlarni tadbirkorlikka jalb etish, ularning ish bilan bandligini ta’minlash va biznes loyihalarini qo‘llab-quvvatlash bo‘yicha tushunchalar berildi.
Shuningdek, davlat tomonidan yosh tadbirkorlarga ajratilayotgan imtiyozlar va grantlar haqida ma’lumotlar taqdim etildi. Bitiruvchilarning kasbiy rivojlanishi va tadbirkorlik ekotizimini shakllantirish masalalariga alohida e’tibor qaratildi.


Tadbir doirasida yoshlar tadbirkorligini rivojlantirish bo‘yicha loyiha va takliflari bildirildi.
