Наманган шаҳрида “Бешинчи устозлар миллий форуми” бўлиб ўтди

Postni ulashish:

Наманган шаҳри ҳокимлигининг мажлислар залида “Бешинчи устозлар миллий форуми” бўлиб ўтди. Унда шаҳар ҳокими Аюбхон Камалов, мактаб ва мактабгача таълим тизими раҳбарлари, устоз ва мураббийлар иштирок этди.
Форумда 2026–2027 ўқув йили олдидан шаҳар таълим тизимида амалга оширилган ишлар, эришилган натижалар ва янги ўқув йилидаги устувор вазифалар муҳокама қилинди.
Айни пайтда Наманган шаҳридаги 55 та мактабда 77 минг 828 нафардан зиёд ўқувчи таҳсил олмоқда. Уларга 4 минг 271 нафардан ортиқ педагог таълим-тарбия бермоқда. Олий ва биринчи тоифали педагоглар сони 2017 йилдаги 231 нафардан 1 минг 752 нафарга етди.
Таълим инфратузилмасини яхшилаш мақсадида қатор мактаб ва мактабгача таълим муассасаларида қурилиш-таъмирлаш ишлари бажарилди. Бу ишларга 49,7 миллиард сўмдан зиёд маблағ йўналтирилди.
Форумда таълим сифатини ошириш, тарбия жараёнини такомиллаштириш, ўқувчиларнинг қобилияти ва иқтидорини ривожлантириш масалаларига эътибор қаратилди. Шунингдек, “Япон тажрибаси — Наманган мактаби”, “Устоздан устозга” ва “Бир устоз — бир иқтидор” ташаббусларини амалга ошириш белгиланди.
Янги ўқув йилида педагогларни сунъий интеллект ва замонавий рақамли технологиялардан самарали фойдаланишга ўргатиш ҳам муҳим вазифа сифатида белгиланди.
Тадбир якунида таълим-тарбия соҳасида фаоллик кўрсатиб, юқори натижаларга эришаётган ўқитувчи ва тарбиячилар фахрий ёрлиқ ҳамда эсдалик совғалари билан тақдирланди.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...