Ёшлар куни доирасида Наманган шаҳрининг “Сумалак Гузари” маҳалласида жиноятчилик муҳокама қилиниб, эътибор содир этилган жиноятлардан кўра, уларга олиб келаётган сабаб ва омилларга қаратилди.
Унда шаҳар ҳокими Аюбхон Камалов, шаҳар прокурори Қодирхон Асқаров, ички ишлар бошқармаси бошлиғи Илҳомжон Сотволдиев, масъул мутасаддилар, маҳалла фаоллари ва ёшлар иштирок этди.
Муҳокамада ёшлар ўртасида ҳуқуқбузарликларнинг олдини олиш, ишсиз ёшларни бандликка жалб этиш, бўш вақтни мазмунли ташкил қилиш ҳамда оилавий муҳитдаги муаммоларни барвақт аниқлаш масалалари таҳлил қилинди.
Жиноятчиликка мойил шахслар билан манзилли ишлаш, профилактик назоратни кучайтириш ва аҳолининг ҳуқуқий маданиятини юксалтириш бўйича масъулларга аниқ вазифалар белгиланди.
Зеро, жиноятга қарши кураш жиноят содир бўлгандан кейин эмас, унга олиб келувчи сабабларни ўз вақтида бартараф этишдан бошланади.
