Наманган шаҳар ҳокими бошчилигида Намаган шаҳрида навбатдаги сайёр қабул ўтказилди. Учрашув давомида 74 нафар фуқаро мурожаати тингланиб, уларда кўтарилган масалалар атрофлича кўриб чиқилди.
Қабул натижаларига кўра, 39 нафардан зиёд мурожаат жойнинг ўзида ижобий ҳал этилди. Қолган мурожаатлар эса ҳуқуқий баҳолаш, ҳужжатлаштириш ва якуний ечим ишлаб чиқиш учун масъул ташкилотларга йўналтирилди.
Аҳоли дарди билан бевосита танишиш, муаммоларни халқ орасида туриб эшитиш ҳокимлик фаолиятида устувор йўналиш бўлиб қолмоқда. Мазкур учрашув ҳам бу борадаги амалий ишларнинг яна бир намунаси сифатида Наманганда очиқ мулоқот маданияти шаклланаётганини кўрсатди.
Ҳокимлик томонидан бу каби қабуллар мунтазам давом эттирилиб, ҳар бир мурожаат натижаси юзасидан амалий жавоб берилиши таъкидланди.
