Наманганда 10 мингдан ортиқ турдаги маҳсулотлар жамланган янги савдо маркази иш бошлади

Postni ulashish:

Наманган шаҳрининг «Шарқ тонги» маҳалласи ҳудудида «Cang Tuo» МЧЖ томонидан ташкил этилган «Жуда яхши» номли янги савдо марказининг очилиш маросими бўлиб ўтди. Унда шаҳар ҳокими Аюбхон Камалов, хитойлик инвесторлар ҳамда шаҳар жамоатчилиги вакиллари иштирок этди.

Умумий лойиҳа қиймати 20 миллион АҚШ долларини ташкил этувчи мазкур савдо марказида айни пайтда 10 мингдан ортиқ турдаги маҳсулотлар харидорларга таклиф этилмоқда. Янги мажмуа фаолиятининг йўлга қўйилиши натижасида дастлабки босқичда 100 нафар фуқаро иш билан таъминланди.

Келгусида маҳсулотлар турини 30 мингтага етказиш ва иш ўринлари сонини 1000 тагача ошириш режалаштирилган. Лойиҳанинг асосий мақсади — харидорлар учун қулай савдо муҳитини яратиш, аҳолига зарур бўлган турли хил маҳсулотларни бир жойнинг ўзида харид қилиш имкониятини тақдим этишдан иборат.

Шунингдек, хитойлик инвесторлар билан ҳамкорликда янги маҳсулот ишлаб чиқариш корхоналарини ташкил этиш масаласи ҳам режалаштирилмоқда. Бу эса келгусида шаҳар иқтисодиётини янада ривожлантириш, маҳаллий ишлаб чиқариш салоҳиятини ошириш ва аҳоли бандлигини таъминлашга хизмат қилиши кутилмоқда.

Мазкур лойиҳа Наманган шаҳрида инвестициявий муҳитни яхшилаш, тадбиркорликни ривожлантириш ҳамда янги иш ўринларини яратиш борасидаги саъй-ҳаракатларнинг муҳим натижаларидан бири ҳисобланади.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...