Наманган шаҳрида 27 та янги автобус йўналиши ташкил этилади

Postni ulashish:

Наманган шаҳрининг транспорт ва йўл-транспорт инфратузилмасини ривожлантириш Бош режаси тақдим этилди.

Давлатобод туманидаги Вилоят вазиятларни бошқариш марказида ўтказилган тақдимотда вилоят ва шаҳар ҳокимликлари, транспорт, йўл ҳаракати хавфсизлиги, автомобиль йўллари соҳаси масъуллари ҳамда мутасадди ташкилотлар вакиллари иштирок этди.

Бош режани ишлаб чиқишда шаҳардаги транспорт оқимлари ва асосий чорраҳалардаги ҳаракат интенсивлиги рақамли технологиялар асосида таҳлил қилинди. Аҳолининг транспорт хизматларига бўлган эҳтиёжлари ҳам ўрганилди.

Шу асосда шаҳар бўйлаб 27 та янги жамоат транспорт йўналишини ташкил этиш таклиф қилинди.

Режада пиёда ва велосипед йўлаклари, янги йўл ўтказгичлар ва туннеллар барпо этиш, шунингдек, пиёдалар учун хавфсиз ўтиш жойларини ташкил қилиш бўйича чора-тадбирлар ҳам назарда тутилган.

Йиғилишда Бош режада белгиланган лойиҳаларни босқичма-босқич амалга ошириш, транспорт оқимларини самарали бошқариш ва жамоат транспорти хизматлари сифатини ошириш вазифалари белгилаб олинди.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...