Наманган шаҳрида 800 миллиард сўмлик янги саноат лойиҳалари амалга оширилади

Postni ulashish:

Наманган вилояти ҳокими Шавкатжон Абдураззоқов Наманган шаҳрининг “Баркамол авлод” маҳалласи ҳудудида барпо этилиши режалаштирилаётган “Баркамол авлод–2” кичик саноат зонаси лойиҳаси тақдимоти билан танишди.

Беш гектар майдонда ташкил этилиши кўзда тутилган мазкур кичик саноат зонасида умумий қиймати 800 миллиард сўмлик 39 та инвестиция лойиҳаси амалга оширилади. Натижада йилига 450 миллиард сўмлик саноат маҳсулотлари ишлаб чиқариш, 29 миллион АҚШ доллари миқдоридаги хорижий инвестицияларни ўзлаштириш ҳамда 2 минг 500 та янги иш ўрни яратиш режалаштирилган.

Лойиҳа доирасида пойабзал, мебель, тўқимачилик ва ҳунармандчилик йўналишларида замонавий ишлаб чиқариш қувватлари ташкил этилади. Шунингдек, ҳудуд зарур муҳандислик-коммуникация инфратузилмаси билан таъминланади.

Амалга ошириладиган лойиҳалар натижасида бюджетга йилига 30 миллиард сўм тушум таъминлаш, экспорт ҳажмини 10 миллион АҚШ долларига етказиш ҳамда импорт ўрнини босувчи маҳсулотлар ишлаб чиқаришни кенгайтириш кўзда тутилган.

Тақдимот якунида вилоят ҳокими ҳудудни комплекс ривожлантириш, инвесторлар учун янада қулай шароит яратиш, қурилиш ва инфратузилма ишларини белгиланган муддатларда сифатли якунлаш юзасидан масъулларга аниқ топшириқлар берди.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...