Гуллар шаҳри дунёга бу гал бол тутди!

Postni ulashish:

Наманган шаҳридаги «Афсоналар водийси» тематик боғида 23–25 октябрь кунлари V Халқаро асал фестивали бўлиб ўтди.

Унда Ўзбекистоннинг турли ҳудудлари ҳамда хорижий давлатлардан 200 нафардан ортиқ асаларичи, соҳа мутахассислари ва тадбиркорлар қатнашди. Қирғизистон, Тожикистон, Озарбайжон, Россия ва яна ўнлаб хорижий мамлакатлардан элликдан зиёд асаларичиларнинг фестивалдаги иштироки тадбирнинг халқаро аҳамияти ва нуфузини янада оширди.

Фестиваль доирасида маҳаллий ва хорижий ишлаб чиқарувчилар томонидан 35 тоннадан кўпроқ асал ва асаларичилик маҳсулотлари намойиш этилди. Ташриф буюрганлар кўргазмада турли навдаги асалларни татиб кўриш ва бевосита ишлаб чиқарувчилардан харид қилиш имкониятига эга бўлдилар.

Шунингдек, фестиваль муносабати билан ҳунармандчилик ва меҳнат ярмаркалари, миллий таомлар кўргазмаси, ошпазлар мусобақаси, миллий либослар ва халқ амалий санъати намойишлари, спорт чиқишлари ҳамда концерт дастурлари ҳам ташкил этилди. Вилоятдаги ширинлик ва қандолатчилик маҳсулотлари ишлаб чиқарувчи маҳаллий брендлар ҳам ўз маҳсулотларини тақдим этди.

Маълумотларга кўра, вилоятимизда 2025 йилда 4,5 минг тоннадан ортиқ асал ишлаб чиқарилган. Жорий йилда эса бу кўрсаткич 5,2 минг тоннага етган. Айни пайтда ҳудудда 4 590 нафар асаларичи 350 мингдан зиёд асалари оиласини парвариш қилмоқда. Йил бошидан буён қиймати 1 миллион АҚШ долларига тенг бўлган 35 мингдан ортиқ асалари пакетлари Россия, Беларусь, Қирғизистон ва Хитойга экспорт қилинди.

Халқаро фестиваль асаларичилик соҳасида ўзаро тажриба алмашиш, ишлаб чиқарувчилар ўртасидаги ҳамкорликни янада мустаҳкамлаш, маҳаллий маҳсулотларнинг экспорт салоҳиятини ошириш ҳамда вилоятнинг туристик ва гастрономик имкониятларини кенг тарғиб этишга йўл очиб беради.

Санжарбек ҲАМИДОВ,
«Наманган садоси» мухбири.
Ҳотам МАМАДАЛИЕВ олган суратлар.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...