570 ўринли янги мактаб: таълим учун замонавий шароитлар яратилди

Postni ulashish:

Наманган шаҳрида янги ўқув йилига тайёргарлик доирасида таълим муассасаларининг моддий-техник базаси ва ўқувчилар учун яратилган шароитлар изчил такомиллаштирилмоқда.

Шаҳарнинг “Баркамол авлод” маҳалласи ҳудудидаги 88-сонли умумтаълим мактаби учун 570 ўринга мўлжалланган янги ўқув биноси барпо этилди.

Мазкур иншоот Инвестиция дастури доирасида “Mega Asia Design Stroy” МЧЖ томонидан қурилиб, лойиҳани амалга ошириш учун 5 миллиард 932 миллион сўм маблағ йўналтирилди.

Янги бино замонавий таълим стандартлари асосида жиҳозланган бўлиб, унда ўқувчиларнинг сифатли таълим олиши, дарсдан бўш вақтларини мазмунли ташкил этиши учун зарур шароитлар яратилган. Шунингдек, педагогларнинг самарали фаолият юритиши учун ҳам муносиб иш муҳити шакллантирилган.

Наманган шаҳар ҳокими Аюбхон Камалов шаҳар мактабларида янги ўқув йилига тайёргарлик жараёнларини ўрганиш давомида 88-сонли мактабда бўлиб, янги ўқув биносида яратилган шароитлар билан танишди.

Ўрганиш жараёнида таълим муассасасининг моддий-техник базаси, ўқув хоналарининг ҳолати, муҳандислик-коммуникация тармоқларининг ишлаш самарадорлиги ҳамда мактаб ҳудудининг ободонлаштирилиши кўздан кечирилди.

Янги ўқув биносининг фойдаланишга топширилиши мактабнинг таълим сифатини ошириш билан бир қаторда, ўқувчилар учун янада қулай ва замонавий таълим муҳитини шакллантиришга хизмат қилади.

Зеро, замонавий мактаб — бу шунчаки янги бино эмас. Бу ўқувчининг билим олиши, қобилиятини намоён этиши ва келажакка ишонч билан қадам қўйиши учун яратилган имкониятдир.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...