ISHONCHLI SHERIKLIK SARI QAT’IY QADAMLAR

Postni ulashish:

Muhtaram Prezidentimiz Shavkat Mirziyoyevning Sloveniyaga rasmiy tashrifi va Lyublyana shahrida Sloveniya Respublikasi Prezidenti Natasha Pirs Musar bilan birgalikda o‘tkazilgan qo‘shma biznes forumi ikki mamlakat o‘rtasidagi ko‘p qirrali hamkorlikni yanada mustahkamlashga xizmat qilmoqda.


O‘zaro manfaatli iqtisodiy aloqalarni kengaytirishga qaratilgan forumda Prezident Shavkat Mirziyoyev tomonidan ko‘tarilgan muhim tashabbuslar – farmasevtika mahsulotlari ishlab chiqarishni mahalliylashtirish, elektrotexnika va oziq-ovqat sanoatida qo‘shma loyihalarni amalga oshirish, meva-sabzavotlarni saqlash va qayta ishlash sohasida investisiyaviy hamkorlikni rivojlantirish yuzasidan takliflar ikki tomonlama aloqalarning pragmatik va amaliy mohiyatini yaqqol ko‘rsatadi.
Ayniqsa, “yashil” energetika sohasidagi hamkorlikka oid g‘oyalar – kelajak avlodlar oldidagi mas’uliyatni anglab yetish, barqaror rivojlanish yo‘lida birgalikda harakat qilishga tayyorlikning yaqqol ifodasidir.
Shu bilan birga, transport sohasidagi o‘zaro bog‘liqlikni kuchaytirish, jumladan Sloveniyaning strategik ahamiyatga ega “Koper” porti imkoniyatlaridan samarali foydalanish, shuningdek to‘g‘ridan-to‘g‘ri aviaqatnovlarni yo‘lga qo‘yish masalalari ikki mamlakat o‘rtasidagi logistika salohiyatini yangi bosqichga olib chiqishi shubhasiz.
O‘zbekiston tomonidan Sloveniya fuqarolari uchun joriy etilgan vizasiz tartib – amaliy va insonparvar siyosatning namunasidir. Bu qaror nafaqat ishbilarmonlar, balki turistlar va ta’lim, madaniyat, fan sohalari vakillari uchun ham keng imkoniyatlar eshigini ochib beradi.
O‘zbekiston va Sloveniya – o‘zaro hurmat, ishonch va ochiq muloqotga asoslangan hamkorlik modelini namoyon etmoqda. Ushbu yo‘nalishdagi har bir tashrif, har bir kelishuv ikki mamlakat xalqlarining farovonligi va tinchligi sari qo‘yilayotgan yana bir muhim qadamdir.

Rustamjon ISAQOV,
Xalq deputatlari Namangan shahar kengashi deputati

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...