Наманган шаҳар ҳокими Аюбхон Камалов «Чорсу деҳқон универсал бозори» АЖда иқтисодий ҳуқуқбузарликларнинг олдини олиш, аҳолини кундалик эҳтиёж учун зарур бўлган озиқ-овқат маҳсулотлари билан сифатли ва мақбул нархларда таъминлаш борасида амалга оширилаётган ишлар билан танишди.
Ўрганиш давомида бозорда савдо жараёнларини тартибли ташкил этиш, маҳсулотлар сифатини таъминлаш, нарх-наво барқарорлигини сақлаш ҳамда аҳолининг харид имкониятларини ҳисобга олиш масалаларига алоҳида эътибор қаратилди.
Хусусан, гўшт ва гўшт маҳсулотлари нархларининг сунъий равишда оширилишига йўл қўймаслик, савдо жараёнларида қонунийлик ва шаффофликни таъминлаш юзасидан тегишли масъулларга аниқ топшириқлар берилди.
Белгиланган вазифалар ижроси юзасидан назоратни кучайтириш, бозорда соғлом рақобат муҳитини таъминлаш ҳамда аҳоли манфаатларини ҳимоя қилиш бўйича тегишли чоралар кўрилади.
