Наманган шаҳрида куз-қиш мавсумида аҳолини электр энергияси ва табиий газ билан узлуксиз таъминлаш, муҳандислик-коммуникация тармоқларининг барқарор ишлашини таъминлаш масалалари муҳокама қилинди.
Шаҳар ҳокими Аюбхон Камалов ва шаҳар прокурори Қодиржон Асқаров иштирок этган йиғилишда «Марказ» электр тармоқлари корхонаси ҳамда «Ҳудудгаз Наманган» шаҳар филиалининг мавсумга тайёргарлиги юзасидан ҳисоботлари эшитилди. Тақдимотларда электр ва газ тармоқларида амалга оширилаётган таъмирлаш ишлари, мавжуд ҳолат ва режалаштирилган чора-тадбирлар ҳақида маълумот берилди.
Йиғилишда эскирган тармоқларни янгилаш, аварияларнинг олдини олиш, авария-тиклаш бригадаларининг шайлигини ошириш, махсус техника ва зарур захираларни шакллантириш ҳамда муҳандислик тармоқларини тўлиқ хатловдан ўтказиш бўйича масъулларга аниқ вазифалар юклатилди.
Мутасаддиларга аниқланган камчиликларни қисқа муддатларда бартараф этиш ва куз-қиш мавсуми давомида аҳолини узлуксиз коммунал хизматлар билан таъминлаш юзасидан топшириқлар берилди.
