Xitoydan O‘zbekistonga yuklar poyezd orqali rekord darajada tez yetkazildi

Postni ulashish:

Konteyner poyezdi 5 kun ichida Xitoydan Qozog‘iston orqali Toshkentga yetib keldi

Xitoydan Qozog‘iston orqali O‘zbekistonga yo‘l olgan konteyner poyezdi 5 kun ichida rekord darajadagi 4486 km masofani bosib o‘tdi. Bu haqda «Qazaqstan temіr joly» matbuot xizmatiga tayanib Kazinform xabar berdi.

Qayd qilinishicha, yuk poyezdi Sian portidagi Qozog‘iston-Xitoy terminalidan jo‘natilgan. Poyezdga KTZE Khorgos Gateway quruqlik portida konteynerlar qayta yuklangan va Qozog‘iston temir yo‘llari tarmog‘i bo‘ylab Sariag‘ash chegara stansiyasigacha, so‘ngra oxirgi nuqta – Markaziy Osiyodagi yirik transport uzeliga aylangan Toshkent stansiyasiga yetkazilgan.

Kompaniya yuk tashishning qisqa muddatda amalga oshirilishini Xitoy, Qozog‘iston va O‘zbekiston temir yo‘l ma’muriyatlarining o‘zaro hamkorligi tufayli ta’minlanayotganini ta’kidladi. Texnologik jarayonlarni rekonstruksiya qilish va takomillashtirish hisobiga Qozog‘iston va O‘zbekiston o‘rtasidagi asosiy yuk oqimi o‘tadigan Sariag‘ash davlatlararo tutash stansiyasining quvvati 50 foizga oshirilgan.

Ta’kidlanishicha, 2023 yilda mamlakatlar o‘rtasidagi yuk tashish hajmi 31 million tonnadan ortiqni tashkil etib, 2022 yilga nisbatan 17,2 foizga o‘sgan.

2024 yil aprel oyida Xiva shahrida Qozog‘iston va O‘zbekiston prezidentlari o‘rtasida Xitoy-Qozog‘iston-O‘zbekiston yo‘nalishi bo‘yicha yuk tashishni tashkil etish va Transafg‘on yo‘nalishini rivojlantirish bo‘yicha erishilgan kelishuvlar doirasida yuklarni tez yetkazib berish xizmati tashkil etilgan edi.

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...