Mirzo Ulug‘bek tumanida joylashgan Rahimov School xususiy maktabi faoliyatiga endigina 1 yil bo‘lishiga qaramay, bitiruvchi sinf o‘quvchilar allaqachon chet el nufuzli universitetlarining talabalari bo‘lishga ulgurishdi.
Rahimov School haqida
Rahimov School 2023 yilda tadbirkor va ta’lim sohasida sakkiz yillik tajribaga ega pedagog — Aziz Rahimov tomonidan asos solingan xususiy maktab hisoblanadi. Maktab missiyasi — har bir bolada mavjud bo‘lgan iste’dodni namoyon eta olishlariga yordam berish, o‘quvchilar o‘zlari chin dildan xohlab maktabga borishlarini ta’minlashdan iborat.
1. Saralangan o‘quvchilar
Maktabning dastlabki faoliyati davomida, umumiy 357 ta o‘quvchi kirish imtihonlari orqali saralanib olindi. Bu imtihonlardan ko‘zlangan maqsad esa mantiqiy ko‘nikmalarga ega hamda iqtidorli o‘quvchilarni yig‘ish.
Imtihonlar quyidagi tartibda olib boriladi:
• Mantiq;
• Psixolog bilan suhbat.

2. Malakali pedagoglar
Rahimov School’ga respublika bo‘yicha 2000 dan ziyod pedagoglar ariza topshirishgan bo‘lib, uch bosqichda imtihon va suhbat orqali ulardan atigi 20 nafari saralanib olindi.
Maktabdagi har bir pedagog nafaqat yuqori kasbiy salohiyatga ega ustozlar, shu bilan birga, bolalarga ta’lim berishni sevuvchi o‘qituvchilar.
3. Zamonaviy sinfxonalar
Maktab binosi va sinfxonalari bolalar darslarni oson o‘zlashtirishlari uchun elektron doskalar va qulay parta, stullar bilan ta’minlangan.

4. Darsdan tashqari mashg‘ulotlar
O‘quvchilar o‘zlari qiziqishlariga qarab qo‘shimcha dars-mashg‘ulotlari bilan shug‘ullanish imkoniga egalar. Xususan, shaxmat, robototexnika, pazandachilik, kompyuter savodxonligi, ingliz tili, matematika, arab tili to‘garaklari shular jumlasidan.

5. Stipendiya
O‘quvchilar fanlarni o‘zlashtirishi hamda til bilishni baholovchi sertifikatlari borligiga qarab, stipendiya dasturi joriy etilgan.
