Янги Наманган тумани иқтисодиёти: барқарор ўсишнинг янги босқичи

Postni ulashish:

2026 йилнинг январь–май ойлари якунлари Янги Наманган тумани иқтисодиётида барқарор ўсиш суръатлари сақланиб қолаётганини кўрсатмоқда. Асосий иқтисодий тармоқларда қайд этилган ижобий натижалар ҳудудда ишлаб чиқариш, қурилиш, савдо ва хизматлар соҳасини изчил ривожлантиришга қаратилган чора-тадбирлар ўз самарасини бераётганидан далолатдир.

Ҳисобот даврида туманда 1 триллион 300 миллиард сўмлик саноат маҳсулотлари ишлаб чиқарилди. Бу соҳада физик ҳажм индекси 108,8 фоизни ташкил этиб, саноат тармоғида ўсиш динамикаси барқарор сақланаётганини кўрсатди.

Қурилиш соҳасида ҳам ижобий натижалар кузатилди. Жорий йилнинг дастлабки беш ойида 246,7 миллиард сўмлик қурилиш ишлари амалга оширилиб, ўсиш суръати 107,0 фоизга етди. Бу эса ҳудудда инфратузилмани такомиллаштириш ва янги объектларни барпо этиш ишлари изчил давом этаётганини англатади.

Истеъмол бозоридаги фаоллик ҳам юқори даражада сақланди. Хусусан, чакана савдо товар айланмаси 1 триллион 100 миллиард сўмни ташкил этиб, ўтган йилнинг мос даврига нисбатан 108,1 фоизга ўсди.

Хизматлар соҳаси эса энг юқори ўсиш суръатларидан бирини қайд этди. Ҳисобот даврида бозор хизматлари ҳажми 1 триллион 100 миллиард сўмга етиб, ўсиш кўрсаткичи 119,7 фоизни ташкил қилди. Бу кўрсаткич аҳоли ва тадбиркорлик субъектлари томонидан хизматларга бўлган талаб ортиб бораётгани ҳамда соҳада янги имкониятлар яратилаётганини тасдиқлайди.

Умуман олганда, 2026 йилнинг январь–май ойларида қайд этилган мазкур иқтисодий кўрсаткичлар Янги Наманган туманида иқтисодиёт тармоқларини барқарор ривожлантириш, ишлаб чиқариш ҳажмини ошириш ва хизматлар кўламини кенгайтириш борасида амалга оширилаётган ишлар ўзининг амалий самарасини бераётганини яна бир бор намоён этди.

Сирожиддин МАЪРУФЖОНОВ,
туман статистика бўлими бошлиғи

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...