Шаҳар тозалиги учун замонавий ечим

Postni ulashish:

Наманган шаҳрида коммунал инфратузилмани такомиллаштиришга қаратилган яна бир замонавий ечим амалиётга жорий этилди. Шаҳарнинг «Ҳуррият» кўчасида, «Уч фаввора» хиёбони яқинида ерости чиқинди сақлаш тизими ишга туширилди.

Мазкур тизим маиший чиқиндиларни тартибли ва тизимли йиғишни йўлга қўйишга қаратилган. Янги мажмуа, айниқса, кўп қаватли уйлар жойлашган ҳудудларда санитария ҳолатини яхшилашга имкон беради. Тизимда ҳар бири 500 килограммгача чиқинди қабул қила оладиган махсус контейнерлар ўрнатилган. Уларнинг умумий сиғими 3 тоннага яқинни ташкил этади.

Ерости технологияси қўлланилгани чиқиндиларнинг очиқ майдонларда тўпланиб қолишининг олдини олади, атроф-муҳитга салбий таъсирни камайтиради ҳамда шаҳар қиёфасини озода сақлашга ёрдам беради. Лойиҳада замонавий техник ечимлардан фойдаланиш ҳам назарда тутилган. Хусусан, контейнерлар тўлганида масъул ташкилотларга автоматик хабар юборувчи датчикларни ўрнатиш режалаштирилмоқда. Бу эса чиқиндиларни ўз вақтида олиб чиқиш жараёнини самарали ташкил этиш имконини беради.

Мутахассисларнинг фикрича, бундай инфратузилма шаҳар ҳудудларида тозаликни таъминлаш, аҳоли учун қулай муҳит яратиш ва экологик маданиятни юксалтиришда муҳим аҳамиятга эга.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...