«Наманган ҳаво йўллари»водий учун янги имкониятлар яратади

Postni ulashish:

Наманган вилоятида стратегик аҳамиятга эга йирик инфратузилмавий лойиҳа – халқаро аэропортни тубдан янгилаш ва кенгайтириш ишлари жадал суръатларда давом этмоқда. Мазкур бунёдкорлик ишлари ҳудуднинг транспорт-логистика салоҳиятини янги босқичга олиб чиқиш, экспорт ҳажмини ошириш ҳамда сайёҳлик оқимини кенгайтиришга хизмат қилади.

Лойиҳа доирасида 140 миллион долларлик инвестиция ҳисобига замонавий, уч қаватли янги терминал биноси барпо этилмоқда. Иншоот фойдаланишга топширилгандан сўнг аэропортнинг йўловчи қабул қилиш ва жўнатиш қуввати 2,5 баробарга ошади. Бу эса нафақат парвозлар географиясини кенгайтириш, балки хизмат кўрсатиш сифатини мутлақо янги даражага олиб чиқиш имконини беради.

Янги терминалда чегара ва божхона назорати пунктлари, виза расмийлаштириш бўлимлари, замонавий бизнес-зал, савдо ва умумий овқатланиш шохобчалари, тиббиёт хонаси ҳамда «Duty Free» дўконлари халқаро стандартлар асосида ташкил этилади. Рақамли технологиялар жорий қилиниши орқали йўловчилар учун тезкор ва шаффоф хизмат кўрсатиш тизими йўлга қўйилади.

Аэропорт ҳудудида кунига 50 тонна юкни қайта ишлаш қувватига эга замонавий карго терминали ҳам барпо этилмоқда. Ушбу мажмуа орқали 90 та мамлакатга экспорт қилиш имконияти яратилиши режалаштирилган. Натижада водий ҳудудида ягона ва тизимли карго инфратузилмаси шаклланади. Бу эса маҳаллий ишлаб чиқарувчиларнинг ташқи бозорларга чиқишини енгиллаштириб, экспортбоп маҳсулотлар ҳажмини оширишга хизмат қилади.

Мутахассислар таъкидлашича, янги терминал жорий йилда фойдаланишга топширилади. Лойиҳанинг амалга оширилиши натижасида қўшимча иш ўринлари яратилиши, инвестициявий жозибадорлик ортиши ва хизматлар соҳаси фаоллашиши кутилмоқда.

Қисқача айтганда, «Наманган халқаро аэропорти»да амалга оширилаётган бунёдкорлик ишлари нафақат замонавий инфратузилмани шакллантириш, балки ҳудуд иқтисодиётини диверсификация қилиш, ташқи савдо алоқаларини кенгайтириш ва аҳоли фаровонлигини юксалтиришга қаратилган муҳим қадамдир.

Бир сўз билан айтганда, водий осмонида янги имкониятлар эшиги очилмоқда.

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...