Наманган шаҳрининг «Бобуршоҳ» маҳалласида янги маҳалла идораси фойдаланишга топширилди. 750 та хонадон ва 4 555 нафар аҳоли истиқомат қилувчи ҳудудда ўтган йили ижтимоий-иқтисодий йўналишда сезиларли натижаларга эришилди. Хусусан,«Камбагаллик реестри»даги 97 оила бандлиги таъминланиб рўйхатдан чиқарилди, 26 нафар меҳнат мигранти Ватангa қайтарилиб, доимий ишга жойлаштирилди.
Маҳалла фаолларининг ташаббуси билан хашар асосида барпо этилган идора Наманган шаҳар ҳокими Аюбхон Камалов, Маҳаллалар уюшмаси вилоят кенгаши раиси Ахаджон Мирзаев ҳамда кенг жамоатчилик иштирокида топширилди.
Янги бинонда «маҳалла еттилиги» учун хоналар, шунингдек аҳолига қулайлик яратиш мақсадида сартарошхона, савдо шохобчаси ва касб-ҳунар ўргатиш хонаси ташкил этилди. Ушбу маскан маҳаллада бандликни ошириш, хизматлар кўламини кенгайтириш ва ёшларни касбга йўналтиришга хизмат қилади.
