Yangilangan HAVAL Jolion’ning Toshkentdagi taqdimoti: Zamonaviylik va qulaylikning yangi darajasi

Postni ulashish:

2024 yilning 10 avgust kuni HAVAL avtomobil brendining O‘zbekistondagi rasmiy distribyutori bo‘lgan ADM Global kompaniyalar guruhi tomonidan yangilangan HAVAL Jolion’ning taqdimoti o‘tkazilib, taqdimotda krossoverning sotuvlari boshlanganligi e’lon qilindi. Jihozlanish va dizaynidagi barcha takomillashtirishlarga qaramay, barcha komplektatsiyalarning narxlari o‘zgarishsiz qoldi, bu esa avtomobilni xaridorlar uchun yanada jozibador tanlovga aylantiradi.

Ta’kidlash joizki, yangi modelga buyurtmalar iyul oyidanoq tusha boshladi. 10 avgust sanasidagi krossoverlarning ilk topshirilishi avtomobillarning birinchi sohiblariga quvonch va unutilmas his-tuyg‘ular baxsh etdi.

Yangilangan HAVAL Jolion o‘zining yangi dizaynerlik yechimlari va oldingi versiyasiga nisbatan kiritilgan funksional o‘zgartirishlari bilan hayratga soladi. Kiritilgan o‘zgartirishlar qatorida – radiatorning yangicha uslubdagi panjarasi va ortni ko‘rish ko‘zgularidagi so‘nggi urfdagi qora rang qo‘shimchalar, g‘ildirak arkalari kengaytirgichlari, spoyler mavjud. Ushbu elementlar avtomobilga zamonaviy va yo‘ltanlamas avtomobilga xos qiyofa baxsh etadi. Bundan tashqari, orqa oynasida o‘rnatilgan qo‘shimcha stop signalga ega bo‘lgan katta spoyler avtomobilning aerodinamik xususiyatlarini yaxshilab, uning qiyofasini shiddatli va dinamik qiladi. Endi barcha komplektatsiyalar yorug‘li diod faralar bilan jihozlangan bo‘lib, bu yo‘lning yoritilishini sezilarli darajada yaxshilaydi va xavfsizlikni orttiradi. Avtomobilning ichki qismida ham sezilarli takomillashtirishlar yuz berdi: balandligi va chiqarilishi bo‘yicha sozlanadigan rul va o‘rindiqning elektr privodi haydovchining qulay joylashuvini ta’minlaydilar. Ikki zonali iqlim nazorati, isitilish va ventilyatsiya bilan jihozlangan qulay o‘rindiqlar avtomobil tashqarisidagi ob-havo sharoitlaridan qat’i nazar, har bir sayohatdan zavqlanish imkonini beradi. 64 rangdan tanlash imkoniyatiga ega bo‘lgan yangi atmosferaviy yoritilish salon ichida noyob muhitni yaratadi.

Yangilangan HAVAL Jolion komplektatsiyalarining narxlari o‘zgarishsiz qoldi:

● COMFORT – 269 900 000 so‘m;

● PRESTIGE – 292 900 000 so‘m;

● PREMIUM – 319 900 000 so‘m.

Yangilangan HAVAL Jolion kompaniyaning yuqori sifatni ta’minlash va zamonaviy haydovchilarning ehtiyojlarini qondirishga bo‘lgan intilishini namoyish etadi. Toshkent shahrida o‘tkazilgan taqdimot yangilikning barcha afzalliklarini ko‘rish va ularga baho berish uchun ajoyib imkoniyatni taqdim etdi.

HAVAL krossoverlarining xususiyatlari, mavjud komplektatsiyalari va narxlari bilan haval.uz saytida tanishishingiz mumkin.

HAVAL’ning axborot liniyasi: +998 (71) 287-88-88

E-mail | Telegram | Instagram | Facebook | YouTube

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Aloqador maqolalar

Сессия бўлиб ўтди

Халқ депутатлари Наманган шаҳар Кенгашининг навбатдаги XXIV сессияси бўлиб ўтди. Сессияда дастлаб шаҳар прокуратурасининг 2026-йилнинг учинчи чорагида қонунийликни мустаҳкамлаш...

Ҳаёти асраб қолинганлар дуосида яшайсиз, доктор!

Тиббиёт фанлари номзоди, Соғлиқни сақлаш аълочиси Тошпўлат Абдукаримов. У — нафақат Наманган вилояти, балки водий тиббиётидаги энг моҳир...

Баҳодир РАҲИМОВ, Наманган шаҳар тиббиёт бирлашмаси раҳбари:“ТИББИЁТДАГИ ИСЛОҲОТЛАР НАТИЖАСИ — ИНСОН САЛОМАТЛИГИДА НАМОЁН БЎЛМОҚДА”

Мамлакатимизда соғлиқни сақлаш тизимини такомиллаштириш, тиббий ёрдам сифатини ошириш, аҳолига қулай ва замонавий тиббий хизмат кўрсатиш масалаларига алоҳида...

Хўжа амин мақбараси

Наманган шаҳрининг Чорсу ҳудуди яқинида меъморий ёдгорлик –Хўжа Амин мақбараси жойлашган. Мақбара XVIII асрнинг иккинчи ярмида, Наманган Фарғона...